Afrekshópur knattspyrnudeildar tekur til starfa Á næstu dögum mun afrekshópur knattspyrnudeildar Gróttu taka til starfa en þann hóp munu skipa efnilegir leikmenn úr röðum 2., 3. og 4. flokks karla og kvenna. Á næstu dögum verður tilkynnt hverjir munu eiga sæti í hópnum sem nýráðinn afreksþjálfari knattspyrnudeildar, Bjarki Már Ólafsson, mun stjórna. Leikmannalisti hópsins verður endurskoðaður á tveggja mánaða fresti og því eiga þeir sem ekki eru valdir í fyrstu atrennu möguleika á að koma inn síðar.
|
|||
|
Þriðjudaginn 30. september fögnuðu iðkendur knattspyrnudeildar góðu knattspyrnusumri á uppskeruhátíð deildarinnar í Félagsheimili Seltjarnarness. Yngstu iðkendurnir fengu viðurkenningu fyrir þátttöku í fótboltanum en veitt voru einstaklingsverðlaun í eldri flokkum. Kristófer Orri Pétursson hlaut Ísbjarnarbikarinn og þá var Harpa Frímannsdóttir kvödd með blómvendi eftir þriggja ára starf hjá knattspyrnudeildinni. 2. -4. fokkur kvenna tók þátt í uppskeruhátíð KR en Grótta og KR eru með samtarf í þessum flokkum kvenna.
Sofia Elsie Guðmundsdóttir æfði um helgina með U-16 ára landsliðinu í fótbolta undir stjórn Úlfars Hinrikssonar landsliðsþjálfara. 28 stelpur voru boðaðar á æfingarnar en Ásdís Halldórsdóttir, liðsfélagi Soffu í 3. flokki Gróttu/KR var einnig í hópnum. Um síðustu helgi var hinn 18 ára gamli Davíð Fannar Ragnarsson boðaður á æfingar með U-19 ára landsliðinu í Fagralundi. Liðið tók eina æfingu á föstudeginum og lék svo innbyrðis leik á laugardagsmorgni þar sem Davíð spilaði virkilega vel.
Á þriðjudaginn verður góðu knattspyrnutímabili fagnað með uppskeruhátíð yngri flokka. Herlegheitin hefjast kl. 17:30 í Félagsheimili Seltjarnarness og eru iðkendur beðnir um að bera með sér eitthvert smáræði á hlaðborð. Um að gera að mæta með eitthvað hollt í bland við annað góðgæti. Yngstu flokkarnir fá viðurkenningu fyrir þátttöku á tímabilinu en veitt verða einstaklingsverlaun í eldri flokkum. Stelpur í 2.,3. og 4. flokki Gróttu/KR eru boðnar hjartanlega velkomnar þó að uppskeruhátíð þeirra séu lokið.
