Fréttir af þjálfaramálum fimleikadeildar

Lítilleg breyting hefur orðið hjá fimleikaþjálfurum deildarinnar nýlega. Ingibjörg Vilhjálmsdóttir er farin í barneignarleyfi, og Harpa Hlíf Bárðardóttir mun einnig fara í barneignarleyfi síðar í vetur. Tinna Rut Traustadóttir sem verið hefur þjálfari í Gróttu í mörg ár kom aftur til starfa 15.janúar og kemur hún inn í hópfimleikaþjálfun í T3 ásamt því að aðstoða F3 og önnur verkefni eftir þörfum. Pétur Jónasson sem einnig er margreyndur þjálfari hjá Gróttu er kominn aftur, og tekur við þjálfun í S2, S6 og S10 ásamt því að aðstoða hópfimleikahópana. 

 

Hjá fimleikadeildinni eru nú 22 þjálfarar, þar af 5 aðstoðarþjálfarar, en iðkendur eru nær 400 talsins sem æfa í 28 hópum.

 

Fimleikadeildin er fjölmennasta deildin í Gróttu, og virðist ekkert lát á aðsókn í deildina. Það verður því ánægjulegt þegar stækkun fimleikahússins verður að veruleika og við getum tekið inn fleiri iðkendur og búið þeim góða æfingaaðstöðu.