Hópurinn T3 sigraði á Stjörnutrompi

Fimleikadeild

28.4.2010

Hópurinn T3 sigraði í 3. flokki á Stjörnutrompi í nýju og glæsilegu fimleikahúsi Stjörnunnar á sunnudaginn. Stjörnutromp er mót í hópfimleikum sem að fimleikadeild Stjörnunnar hefur haldið árlega í fjöldamörg ár. Stelpurnar í T3 fengu samtals 22,14 stig. Selfoss varð í 2. sæti með 21,2 stig og Stjarnan varð í 3. sæti með 21,07 stig. Einnig voru veitt verðlaun fyrir einstök áhöld.

Þar voru Gróttustelpurnar í 1. sæti á dýnu og á trampólíni.

Stelpurnar í T3 hafa staðið sig vel á mótum í 3. flokki í vetur. Þær sigruðu á Haustmóti FSÍ, urðu í 3. sæti á Íslandsmóti unglinga og í 2. sæti á Íslandsmóti í 1. deild. Liðið er efst í 1. deild í deildarkeppni FSÍ fyrir síðasta mót vetrarins sem að fram fer í Vestmannaeyjum 16. maí, en það munar tveimur stigum á Gróttu og Stjörnunni sem að er í 2. sæti.

Mynd

Efri röð frá vinstri: Marta, Tinna, Lovísa Birta, Auður Ása, Íris Björk og Hrafnhildur Arna.
Neðri röð frá vinstri: Elín Margrét, Helga Laufey, Thelma Lind, Ólöf Björk, Ingunn og Jórunn María.

Til baka, Senda grein, Prenta greinina