Innanfélagsmótið í 4. og 5. þrepi

Fimleikadeild

13.5.2010

Fyrsta Innanfélagsmótið í ár fór fram á miðvikudaginn. Fimleikasalurinn var troðfullur af flottum fimleikastúlkum og áhugasömum aðstandendum sem að komu til að hvetja stelpurnar og sjá hvað þær hafa lært í vetur. Alls kepptu 38 stúlkur á aldrinum 9-12 ára á mótinu, 31 stúlka í 5. þrepi og 7 stúlkur í 4. þrepi. Stelpurnar stóðu sig allar mjög vel á mótinu. Það var virkilega gaman að sjá hvað þeim hefur farið mikið fram í vetur í æfingunum sínum. Við hjá fimleikadeildinni erum mjög stolt af öllum þessum stúlkum og hlökkum til að fylgjast með þeim í fimleikunum á komandi árum.

Þess má geta að nú í vetur hafa 73 stúlkur á aldrinum 9-12 ára verið að æfa hjá fimleikadeildinni. Þessar stúlkur hafa æft fimleika allt frá einu upp í sjö ár.

Vorið 1997 voru 47 stúlkur á þessum aldri í fimleikum hjá Gróttu og það sama ár kepptu einungis 10 stúlkur í 5. þrepi á Innanfélagsmótinu. Það er því 55% aukning á iðkendafjölda í þessum aldurshóp á þremur árum og fleiri iðkendur sem að æfa í mörg ár.

Úrslit mótsins:

4. þrep

1. sæti: Nanna Guðmundsdóttir 57,40 stig
2. sæti: Þóra Lucrezia Bettaglio 50,80 stig
3. sæti: Karen Hilma Jónsdóttir 49,80 stig

5. þrep 9 ára

1. sæti: Hrund Guðmundsdóttir 57,70 stig
2. sæti: Ella María Georgsdóttir 55,60 stig
3. sæti: Cristina Isabela Agueda 53,60 stig

5. þrep 10 ára

1. sæti: Grethe María Björnsdóttir 57,00 stig
2. sæti: María Elísabet Björnsdóttir 56,10 stig
3. sæti: Elín Birna Hallgrímsdóttir 54,40 stig

5. þrep 11 ára

1. sæti: Kantika Kaenjan 55,80 stig
2. sæti: Mist Grönvold 55,40 stig
3. sæti: Emelíana Brynjúlfsdóttir 51,30 stig

Myndir

Nanna Guðmundsdóttir Gróttumeistari í 4. þrepi og Hrund Guðmundsdóttir Gróttumeistari í 5. Þrepi.

Allir keppendurnir á Innanfélagsmótinu í 4. og 5. þrepi.

Til baka, Senda grein, Prenta greinina