Meistarahópur Gróttu í hópfimleikum á Eurogym

Fimleikadeild

9.8.2010

Meistarahópur Fimleikadeildar Gróttu í hópfimleikum tók þátt í Eurogym í Óðensvé sem hófst 10. júlí síðastliðinn. Eurogym er fimleikahátíð eða festival sem haldið er annað hvert ár og taka tugi þjóða þátt. Hátíðin sem stóð yfir 10. - 16. júlí var sú sjöunda í röðinni og þátttakendur voru 4200 að þessu sinni. Hátíðin hófst með skrúðgöngu um götur Óðensvé sem endaði á íþróttaleikvangi þar sem Opnunarhátíðin fór fram.

Þéttsetin dagskrá var þessa viku þar sem að stúlkurnar tóku þátt í vinnubúðum (workshop) og lærðu meðal annars ýmsa dansa svo sem funk og hip hop og enduðu svo á big splash sem fór fram í sundlaugargarði. Hópurinn sýndi dans og trampólínæfingar á ýmsum opnum svæðum í bænum sem tókst mjög vel. Ferðin tókst vel í alla staði og stúlkurnar skemmtu sér konunglega og enduðum við ferðina í Tívólíinu í Kaupmannahöfn.

Efri röð: Elín Margrét, Tinna Bjarkar, Thelma Lind, Íris Björk, Auður Ása, Bessie, Helga Laufey, Hrafnhildur Arna og Marta.

Neðri röð: Lovísa Birta, Ingunn, Ólöf Björk, Jórunn María, Glóey Þóra og Una

Til baka, Senda grein, Prenta greinina