Grótta og Höttur áttust við á Suðurstrandavelli í 14. umferð 2. deildar karla á Seltjarnarnesinu nú fyrr í kvöld. Fyrir leikinn var Grótta í öðru sæti deildarinnar með 25 stig en Höttur í því fimmta sæti með 19 stig. Frábærar aðstæður voru til knattspyrnuiðkunnar í kvöld, flottur völlur, góð umgjörð, hressir áhorfendur og gott veður. Sjálfur knattspyrnuleikurinn var samt með rólegra móti. Boltinn var mikið á vallarsvæði Hattarmanna en Grótta náði ekki að nýta sér yfirburði sína þrátt fyrir að fá nokkur góð færi. Fyrsta og eina marks leiksins kom á 21. mínútu. Boltinn barst inn í teig Hattarmanna og þvældist þar manna á milli án þess að varnarmenn náðu að hreinsa boltann í burtu, það nýtti Sölvi Davíðsson sér sem sparkaði boltanum upp í þaknetið eftir mikla baráttu. Lesa meira

Nú er langt liðið frá síðasta heimaleik en það var tapleikurinn við Víði 9. júlí síðastliðinn. Síðan þá hafa strákarnir svo sannarlega tekið sig saman í andlitinu, unnið bug á "útivallargrýlunni" og sigrað þrjá leiki í röð! Það má búast við hörkuleik á miðvikudaginn en Hattarmenn eru í 5. sæti deildarinnar með 19 stig en Gróttumenn eru nú einir í 2. sætinu með 25 stig. Leikur þessara liða fyrr í sumar var æsispennandi og lauk með 1-1 jafntefli. Lesa meira

Íslandsmótið í strandhandbolta fór fram í Nauthólsvík í gær og var að vanda fjörugt og skemmtilegt. FH fór að lokum með sigur af hólmi, lið JB varð í öðru sæti og Grótta í því þriðja. Í 8-liða úrslitum lék Grótta gegn Teflon og eftir jafnan og skemmtilegan leik jöfnuðu Teflon-menn úr vítakasti þegar leiktíminn var liðinn. Í strandhandbolta er engin framlenging, heldur strax farið í bráðabana-hraðaupphlaupskeppni og eftir stutta keppni þá komst Grótta í undanúrslit. Lesa meira

Eins og fram kom hér á síðunni um helgina sendi Grótta þrjú lið til keppni á Rey Cup 2009 en það er alþjóðlegt fótboltamót sem nú var haldið í Laugardalnum í áttunda sinn. Þriðji flokkur spilaði í 8-liða úrslitum en bæði lið fjórða flokks léku í B-úrslitinum. Lesa meira

Í ár er Rey Cup mótið haldið í áttunda skiptið en að þessu sinni eru 1600 krakkar mættir til leiks. Mótið er fyrir þriðja og fjórða flokk karla og kvenna en nú taka þátt lið frá Íslandi, Noregi, Danmörku og Englandi. Grótta sendir þrjú lið til leiks á Rey Cup þetta sumarið en það eru lið 3. flokks og tvö lið frá 4. flokki, 14-ára lið og 13-ára lið. Lesa meira

Það voru ekkert spes aðstæður til knattspyrnuiðkana í haustveðrinu í Hveragerði í gær en töluverður vindur var og sólin lágt á lofti og beint á annað markið. En heimamenn byrjuðu betur undan vindinum og með sólina í bakið og skoruðu fyrsta markið eftir snögga sókn sem kom eftir markspyrnu Kristjáns markvarðar. En við þetta tóku strákarnir við sér og sóttu án afláts í fyrri hálfleiknum en inn vildi boltinn ekki. Í hálfleik ákváðu strákarnir að koma sér í gang og klára dæmið. Það tók þó samt sinn tíma en á 68. mínútu leiksins skoraði Sigurvin eftir frábært upphlaup Garðars, sem spændi sig í gegn á hægri kantinum og lagði boltann útá Venna sem kláraði í fyrstu snertingu. Lesa meira

Íslandsmótið í strandhandbolta verður haldið á laugardaginn í Nauthólsvíkinni. Strandhandboltamótið er orðið árlegur viðburður á Íslandi en þessi íþrótt nýtur með hverju árinu meiri og meiri vinsælda. Í ár leika 20 lið í Nauthólsvíkinni og komast færri lið að en vilja. Grótta er með skráð lið í fyrsta skipti en þeir hefja leik kl. 15:00 gegn ÍR-ingum. Lesa meira

Ísland lauk þátttöku sinni á Ólympíuhátíð Evrópuæskunnar í Finnlandi í morgun. Í gær beið liðið lægri hluti gegn Þjóðverjum, 35-23 eftir að hálfleiksstaðan hefði verið 16-10 fyrir Þýskaland. Aftur á móti í morgun lék liðið gegn Finnlandi öðru sinni um 7.sæti mótsins og unnu strákarnir okkar þann leik 30-27. Viggó Kristjánsson skoraði 3 mörk í báðum leikjunum en Þráinn Orri Jónsson skoraði 1 mark gegn Finnlandi. Eins og áður stendur hann mest megnis vörnina. Gróttustrákarnir hafa staðið sig mjög vel á mótinu og geta verið landi til sóma. Lesa meira

Fálkarnir í meistaraflokki Gróttu í fótboltanum spila sinn þriðja útileik í röð en útileikjahrinunni lýkur í Hveragerði er heimamenn úr Hamri taka á móti strákunum. Grótta er sem stendur í 2.sæti deildarinnar með 22 stig en einungis þremur stigum á eftir toppliði Reynis. Hamar situr í neðsta sæti deildarinnar með 9 stig. Ásmundur þjálfari hefur einnig ákveðið að styrkja hópinn fram á við en Grótta fékk leikheimild í dag fyrir Grím Björn Grímsson, 21 árs framherja úr Fram. Björn verður í leikmannahópi Gróttu í kvöld og kemur til með að gefa liðinu enn meiri dýpt fram á við. Leikurinn hefst kl. 20 í kvöld í Hveragerði á Grýluvelli. Lesa meira

Lesa meira

Embla Jóhannesdóttir lauk þátttöku sinni í fimleikum á Ólympíuhátíð Evrópuæskunnar í gær en hún endaði í 56.sæti af 83 keppendum og var önnur af íslensku keppendunum. Embla fékk 46.350 heildarstig, 12.900 stig í stökki, 9400 stig á tvíslá, 12.250 stig á jafnvægisslá og 11.800 í gólfæfingum. Í liðakeppninni endaði íslenska liðið í 22.sæti af 29 löndum. Embla stóð sig vel og getum við verið stolt af henni! Lesa meira

Góð ásókn er í handboltaskólinn og afreksæfingarnar sem hefjast 11.ágúst næstkomandi og standa til 21.ágúst. 40 krakkar hafa skráð sig nú þegar, þar af 12 í afreksæfingarnar. Handboltaskólinn er hugsaður fyrir stráka og stelpur sem verða í 1.- 7.bekk næsta vetur en afreksæfingarnar fyrir iðkendur sem verða í 8. - 10.bekk næsta vetur. Hægt er að skrá sig með sérstöku eyðublaði sem má finna hér. Lesa meira

U-17 ára landslið karla tapaði í gær fyrir Króatíu 32-25 á Ólympíuhátíð Evrpópuæskunnar sem fram fer í Finnlandi. Staðan í hálfleik var 16-12 fyrir Íslandi. Fyrri hálfleikur var mjög góður hjá íslenska liðinu en þegar um 6 mínútur voru liðnar af seinni hálfleik var staðan 19-19. Þá hrundi leikur liðsins og Króatía gekk á lagið og landaði öruggum sigri. Viggó Kristjánsson var markahæstur íslenska liðsins og skoraði 7 mörk í leiknum ásamt Ísaki, þar af 3 úr vítaköstum. Lesa meira

Meðfylgjandi er stutt skýrsla og niðurstöður unnar úr Þjónustukönnun Gróttu sem var lögð fram í janúar. Núna hefur þessi hluti könnunarinnar verið fullunninn og vonandi geta stjórnir deilda og þjálfarar félagsins notað þessar niðurstöður til að gera gott starf hjá deildunum enn betra. Þessir hlutar könnunarinnar snúa að félaginu í heild sinni en einnig eru niðurstöður hverrar deildar. Niðurstöður Þjónustukönnunarinnar má sjá hér.

Lesa meira

Errea er að fara af stað með sölu á Dakota-æfingabolum og -æfingapeysum. Einnig ætla þeir að selja 3/4 Wizardbuxurnar. Um er að ræða mikinn afslátt eða allt að 45% afslátt. Þetta eru vörur sem fengust í Hagkaup og kostuðu áður 4490 kr. Lesa meira

U-17 ára landslið karla tapaði í gær fyrir Noregi 30-23 í fyrsta leik sínum á Ólympíuhátíð Evrópuæskunnar sem fram fer í Finnlandi. Staðan í hálfleik var 13-12 fyrir Noreg. Leikur var jafn í fyrri hálfleik og var jafnt á flestum tölum. Seinni hálfleikur byrjar eins en í stöðunni 19-18 fyrir Ísland hrynur leikur liðsins og Noregur fer í 25-19 og skoraði íslenska liðið ekki í 13 mínútur.

Lesa meira

Gróttuliðið gerði góða ferð norður og náði í góðan útisigur gegn Tindastól á Sauðárkróki á laugardaginn var. Er þetta annar útisigurinn í röð hjá strákunum. Þeir Agnar Sigurjónsson, Guðmundur M. Hannesson og Brynjólfur Bjarnason skoruðu mörkin. Grótta er sem fyrr í 2.sæti deildarinnar en á meðan Grótta sótti 3 stig þá tapaði topplið Reynis og eru nú því einungis 3 stig á milli liðanna. Næsti leikur Gróttu er við Hamar í Hveragerði á fimmtudag kl. 20.00. Lesa meira

Gunnar Guðmundsson, landsliðsþjálfari U17 landsliðs karla, hefur valið 18 leikmenn í landslið Íslands sem keppir á Norðurlandamótinu í Þrándheimi 27. júlí - 3.ágúst. Grótta á einn fulltrúa í þessu liði en Viggó Kristjánsson var valinn. Við óskum honum til hamingju með landsliðssætið. Lesa meira

Ólympíuhátíð Evrópuæskunnar hefst í Tampere í Finnlandi á mánudag, en 40 íslenskir íþróttamenn í sex íþróttagreinum verða meðal þátttakenda. 14 leikmenn skipa piltalið Íslands í handknattleik, 5 piltar og 5 stúlkur keppa í sundi. 4 stúlkur og einn piltur í frjálsíþróttum, 3 stúlkur og 3 piltar í fimleikum, 2 piltar og 1 stúlka í júdó og 2 piltar í tennis. Alls eru 16 þjálfarar, flokksstjórar, dómarar og aðrir starfsmenn meðal þátttakenda og því um tæplega 60 manna hópa að ræða. Grótta á 5 fultrúa á þessum leikum, Viggó Kristjánsson og Þráin Orra Jónsson í handknattleik en þeir skipa U17 ára landslið HSÍ. Arnar Þorkelsson, þjálfari hjá Gróttu en þjálfari U17 ára liðsins. Auk þeirra keppir Embla Jóhannesdóttir fyrir hönd Íslands í fimleikum. Gabor Kiss, þjálfari Gróttu er landsliðsþjálfari í fimleikum. Lesa meira

Friðarhlaupið er alþjóðlegur grasrótarviðburður sem snertir líf milljóna manna. Hlauparar Friðarhlaupsins hér á Íslandi heimsækja skóla, hlaupahópa, ungmennafélög og sveitarstjórnir vítt og breitt um landið. Í dag var seinasti dagur hlaupsins og komu hlauparnir við á gervigrasvellinum þar sem bæjarstjóri Seltjarnarness, Ásgerður Halldórsdóttir kom hlaupandi með kyndilinn inn á gervigrasvöllinn og þar tóku strákar í 5.flokki karla við honum og hlupu í kringum vallarsvæðið. Lesa meira

Gróttustrákarnir fóru norður á Grenivík til að sækja 3 stig úr greipum Magnamanna sem og þeir gerðu. Þó var fæðingin erfið og eftir fyrri hálfleikinn voru strákarnir heppnir að vera ekki marki undir. En í hálfleik voru málin rædd sem skilaði sér í tveimur mörkum snemma í hálfleiknum frá þeim Garðari og Árna Inga. Eftir mörkin tvö var þetta aldrei í hættu og strákarnir mun líklegri að bæta við marki heldur en Magni að skora. Það fór svo á endanum að Grótta skoraði en þar var að verki Pétur Már Harðarson sem að prjónaði sig framhjá varnarmanni Magna og setti boltann í netið eftir fljótt tekna aukaspyrnu frá Sigurvin. Lesa meira

Viktor Orri Pétursson, leikmaður í 5.flokki karla í Gróttu varð fyrstur til að vinna sér inn ferð í Knattspyrnuskóla Manchester United með Úrval Útsýn fyrir að vera duglegur að safna myndum af íslenskum knattspyrnumönnum. Lesa meira

4. flokkur sigrar KR og 2. flokkur krækir í stig

Nóg hefur verið um að vera í yngri flokkum knattspyrnunnar þessa vikuna og hafa nær allir flokkar spilað einhverja leiki. Hér verður farið yfir úrslit síðustu viku og greint frá næstu leikjum.

Lesa meira

Grótta og Víðir mættust á Suðurstrandavelli á Seltjarnarnesi í kvöld. Fyrir leikinn var Grótta í 2. sæti deildarinnar með 16 stig en Víðsmenn í því næst neðsta með 4 stig. Allar aðstæður til knattspyrnuiðkunnar voru með besta móti - flott veður, góður völlur og hressir áhorfendur. Leikurinn sjálfur var með fjörugra móti og dómari leiksins bauð upp á fimm víti og tvö rauð spjöld. Lesa meira

Á fimmtudaginn koma Víðismenn í heimsókn til okkar á Gróttuvöllinn og hefst leikurinn kl. 20.00. Víðir er í næst neðsta sæti deildarinnar með 4 stig en Grótta í 2.sæti með 16 stig. Þessi lið hafa háð marga hildina í gegnum árin og þegar að þau mætast þá skiptir litlu máli hvar liðin eru í töflunni. Grótta þarf á stuðningi að halda og eru menn, konur og börn hvött til að mæta á völlinn og styðja strákana. Þetta verður hörkuleikur og ekki munu mörkin láta á sér standa enda alltaf miklir markaleikir þegar að liðin mætast. Lesa meira

Afreksæfingar Gróttu í handboltanum verða haldnar dagana 10. - 21. ágúst næstkomandi fyrir þá sem eru fæddir á árunum 1994 - 1996. Æfingarnar verða þrisvar sinnum í viku frá kl. 10:30 - 12:30. Æft er mánudaga, miðvikudaga og föstudaga. Innihald æfinganna eru fræðslufyrirlestrar, styrktaræfingar, skot- og tækniæfingar o.fl. Umsjónarmenn verða Davíð Örn Hlöðversson og Arndís María Erlingsdóttir. Lesa meira

Handboltaskóli Gróttu verður í 2 vikur þetta árið. Í skólanum verður börnunum skipt niður eftir aldri. Með þessu móti ætlum við að reyna að koma til móts við þarfir hvers aldurs fyrir sig. Farið verður í algjör grunnatriði fyrir yngsta aldurshópinn en eftir því sem krakkarnir eru eldri, því flóknari verða æfingarnar. Skólinn er fyrir krakka sem verða í 1.- 7.bekk næsta vetur (fædda 2003-1997). Lesa meira

Ásmundur Haraldsson, yfirþjálfari Gróttu, veitti viðtöku viðurkenningar frá KSÍ vegna knattspyrnuskóla félagsins. Knattspyrnuskólinn uppfyllti gæðamat KSÍ og gæðakröfur fyrir knattspyrnuskóla sem settar eru fram í Grasrótarsáttmála UEFA. Þeir Guðlaugur Gunnarsson og Dagur Sveinn Dagbjartsson frá KSÍ afhentu félaginu viðurkenningu undirritaða af framkvæmdastjóra KSÍ. Myndin var tekin af því tilefni en gestir knattspyrnuskólans þennan daginn voru þeir Kristján Finnbogason og Tryggvi Guðmundsson og eru þeir með hópnum á myndinni ásamt Ásmundi sem heldur á viðurkenningunni.

Lesa meira

Strákarnir í 5.flokki karla fóru norður á N1 mótið dagana 1.-4.júlí. Alls tóku 144 lið þátt frá 28 félögum og um 1500 krakkar alls. Það má með sanni segja að þetta sé stærsta og fjölmennasta fótboltamótið á landinu ár hvert enda nánast Heimsmeistarakeppni í augum strákanna. Grótta sendi 5 lið og 42 stráka á mótið sem að spiluðu í A til E liðum. Lesa meira

Í kvöld náðu A og C lið Gróttu í 5.flokki þeim frábæra árangri að komast í undanúrslitin á N1 mótinu á Akureyri. A liðið sigraði Aftureldingu 2-0 með mörkum frá Pétri Steini Þorsteinssyni og Agnari Guðjónssyni. A liðið leikur gegn Selfossi á morgun kl.11.30. Björn Sigurðsson kom C liðinu í undanúrslitin með glæsilegu marki á lokasekúndum leiksins gegn Fylki. Þeir leika sinn undanúrslitum gegn Fram á sama tíma kl. 11.30. Við færum fréttir af gengi liðanna á morgun. Lesa meira

Nú eru búnir tveir dagar á N1-mótinu á Akureyri þar sem Grótta er með fimm lið. Mótið er fyrir 5. flokk karla en tæplega 1500 strákar eru mættir til leiks og er spilað á tíu völlum frá morgni til kvölds. Á miðvikudagsmorgun voru 42 galvaskir Gróttustrákar búnir að koma sér fyrir í gamla íþróttahúsin við sundlaugina og tilbúnir í slaginn. A-liðið reið á vaðið með góðum sigri á ÍA og í kjölfarið kom svo stórleikur hjá B-liðinu þar sem það sigraði Val 4-0. Áður en leik lauk um kvöldið hafði Grótta spilað samtals 7 leiki, sigrað þrjá og tapað fjórum, flestum með naumindum. Lesa meira