Viggó og Eiki á landsliðsæfingum

Um síðustu helgi tóku þeir Eiríkur Ársælsson og Viggó Kristjánsson, leikmenn 2. flokks, þátt í úrtaksæfingum KSÍ. Eiríkur æfði með U-19 ára liðinu (f.1992) en Viggó með U-18 ára (f.1993).

Á dögunum var Eiríkur valinn í fyrsta sinn á úrtaksæfingar þegar hann æfði með U-19 ára liðinu fyrr í þessum mánuði. Viggó hefur aftur á móti verið viðloðandi yngri landslið Íslands í nokkur ár og fór í tvær keppnisferðir með U-17 ára liðinu síðasta sumar.

Bæði Eiki og Viggó æfa með meistaraflokki og hafa byrjað undirbúningstímabilið vel. Viggó lék allan leikinn gegn Fjölni á mánudag en þar biðu strákarnir lægri hlut 3-1. Eiki spilaði svo seinni hálfleikinn í 2-2 jafntefli við Breiðablik á miðvikudag og var tvívegis nálægt því að skora.

 

Knattspyrnudeild Gróttu óskar þessum framtíðarleikmönnum félagsins til hamingju með valið og er þess fullviss að þeir eigi eftir að fá fleiri tækifæri á komandi vikum og mánuðum.