Handknattleiksdeild
3.flokkur karla í bikarúrslit í fyrsta skipti
Handbolti - 3.fl. karla
3.flokkur karla komst í úrslitaleikinn í Eimskips bikarnum í gærkvöld eftir frækinn sigur á sterku liði FH í Kaplakrika. Gróttustrákarnir mættu griðarlega einbeittir til leiks og staðráðnir í að komast í úrslitaleikin. Þeir skoruðu fyrsta mark leiksins en leikurinn var í járnum í fyrri hálfleik og munaði aldrei meira en einu marki, staðan í hálfleik 10-10.
Strákarnir mættu gríðarlega grimmir í síðari hálfleikinn og náðu fljótlega 2-3 marka forskoti sem þeir létu ekki af hendi og unnu sanngjarnan fjögurra marka sigur, 22-26. Vert er að minnast á frammistöðu Arnars Imsland í markinu sem fór hamförum og var með um 25 skot varin. Einnig var Þráinn Orri Jónsson mjög öflugur í seinni hálfleik og setti þá 8 mörk. Þetta var þó sigur liðsheildarinnar þar sem allir unnu fyrir hvern annan og liðið uppskar eftir því í þessum leik. Úrslitaleikurinn er gegn mjög sterku liði Stjörnunnar sunnudaginn 28. febrúar nk. Nánari tímasetning kemur síðar.
Markaskor:
Þráinn Orri Jónsson - 9
Árni Benedikt Árnason - 7
Aron Valur Jóhannsson - 4
Guðmundur Jóhann Guðmundsson - 2
Þorgrímur Þórarinsson - 2
Aron Freyr Lárusson - 1
Hörður Bjarkason - 1
ArnarImsland var maður leiksins með um 25 skot varin.
Á föstudag kl. 20.30 leikur 4.flokkur karla í undanúrslitum í bikarnum gegn Fram. Leikurinn er á Nesinu og hvetjum við alla til þess að mæta og styðja þá alla leið í úrslit !
