Kristján Halldórsson ráðinn til Gróttu

Handbolti - Yngri flokkar

22.6.2010

Kristján Halldórsson eða Sissi eins og hann er kallaður hefur verið ráðinn sem yfirþjálfari handknattleiksdeildar Gróttu. Sissi býr yfir mikilli reynslu sem þjálfari en hann hefur meðal annars þjálfað A-landslið kvenna, verið íþróttastjóri HSÍ, þjálfari B-landsliðs karla og þjálfað meistaralið Larvik í Noregi árin 1996-1998. Einnig hefur Sissi þjálfað flestalla flokka Gróttu í gegnum tíðina en hann er einn af stofnfélögum Handknattleiksdeildar Gróttu.

Ráðning Sissa sem yfirþjálfara en mikill hvalreki fyrir Gróttu en hann tekur við góðu búi frá Gauta Grétarssyni sem lét af störfum sem yfirþjálfari. Gauta er þakkað gott starf fyrir Gróttu.

Samhliða yfirþjálfarastarfinu mun Sissi vera aðstoðarþjálfari meistaraflokks karla. Mikill metnaður er hjá deildinni að staldra stutt við í 1.deildinni og komast fljótt aftur á meðal þeirra bestu. Ráðning Sissa endurspeglar þá stefnu deildarinnar að fá samfellu í starf yngri flokka og meistaraflokka félagsins.
 
Sissi er hér með boðinn velkominn aftur á Nesið.

Til baka, Senda grein, Prenta greinina