Upplýsingagjöf til foreldra og iðkenda verður með nýju sniði en allir flokkar hjá knattspyrnudeild Gróttu fá bloggsíðu. Bloggsíðurnar má sjá ef smellt er á lesa meira. Þjálfarar verða duglegir að setja upplýsingar um starfið, breytingar á æfingatímum, upplýsingar um mót o.fl. inn á bloggsíðurnar. Áfram verður þó góður fréttaflutningur af deildinni hérna á heimasíðu félagsins. Lesa meira

Uppskeruhátíð knattspyrnudeildar fer fram sunnudaginn 25.september kl.16.00 í íþróttahúsi Seltjarnarness. Dagskráin verður hefðbundin, allir iðkendur í 6., 7. og 8. flokki fá þátttökuviðurkenningu og verðlaun verða veitt fyrir framfarir og ástundun í 5. - 2. flokki. Að því loknu verður boðið upp á kökuhlaðborð Gróttuforeldra. Á upperskuhátíðinni kynnum við nýja þjálfara og kveðjum þá sem eru að hætta. Foreldrar, systkini, afar og ömmur og aðrir velunnarar Gróttukrakkanna eru velkomnir á uppskeruhátíðina.
Lesa meira

Þjálfarateymi knattspyrnudeildar hefur borist öflugur liðsstyrkur. Anna Björk Kristjánsdóttir, nýkrýndur Íslandsmeistari og landsliðskona, hefur verið ráðin til starfa sem þjálfari 5. flokks kvenna og mun hefja störf um mánaðarmótin. Anna, sem er 22 ára gömul, leikur með Stjörnunni sem varð Íslandsmeistari á dögunum og rauf þar með 5 ára sigurgöngu Vals í úrvalsdeild kvenna. Anna var í kjölfarið valin í A-landslið kvenna í fyrsta skipti en hún á að baki leiki með U17 og U19 ára landsliðum Íslands. Lesa meira

5. og 6. flokkur kvenna hafa verið að gera virkilega góða hluti í sumar og staðið sig vel í mótum og leikjum. 5. flokkur er í harðri toppbaráttu í B-riðlinum og hefur 18 stig í 3. sæti þegar fjórum leikjum er enn ólokið. 6. flokkur kvenna lék í undankeppni Íslandsmótsins, Hnátumóts KSÍ fyrr í sumar og lék þar fjóra leiki. Gróttustúlkur stóðu sig með eindæmum vel, sigruðu tvo gerðu eitt jafntefli og töpuðu einum og enduðu í öðru sæti riðilsins. Það var farmiði í úrslitakeppnina sem fer fram um aðra helgi á Hlíðarenda.

Lesa meira

Um miðjan júlí var Símamótið haldið á svæði Breiðabliks í Kópavogi. Óhætt er að segja að veðrið hafi leikið við keppendur og foreldra á mótinu sem er eitt stærsta stelpufótboltamót landsins. Grótta sendi fjögur lið til leiks, tvö úr 5. flokki og eitt úr 6. og 7. flokki. Stelpurnar stóðu sig að sjálfsögðu með stakri prýði og unnust margir eftirminnilegir sigrar á þessu bráðskemmtilega móti. Lesa meira

Annað árið í röð sendi 5. flokkur Gróttu tvö lið á Pæjumótið í Vestmannaeyjum. Liðin léku sem B-lið og D-lið og gerðu sér bæði tvö lítið fyrir og unnu til silfurverðlauna. Stormur herjaði á Vestmannaeyjar á meðan á mótinu stóð en sem betur fer var hægt að nýta nýlegt knatthús Vestmannaeyja til að spila hluta leikjanna. Hér fylgir með skemmtileg ferðasaga frá yfirfararstjórn sem hjálpaði stelpunum og Inga Þór þjálfara mikið á mótinu sem var frábært í alla staði. Lesa meira

Það verður mikið um dýrðir á Gróttuvelli á föstudag en þá fer fram formleg afhending á nýjum DVD-disk, "Tækniskóli KSÍ", Diskurinn er gefinn öllum knattspyrnukrökkum 16 ára og yngri en á honum má finna ýmsar gagnlegar tækniæfingar ásamt viðtölum við landsliðsmenn Íslands í fótbolta. Á föstudaginn er komið að því að afhenda iðkendum Gróttu diskinn en leikmenn meistaraflokks Gróttu munu mæta á svæðið ásamt einstaklingum úr U-21 árs landsliðinu og heilsa upp á krakkana. Dagskráin hefst kl. 15:00 og eru allir iðkendur í 3.-8. flokki eru velkomnir.

Lesa meira

Helgina 4.-6.mars sl. fóru 5.flokkur og 6.flokkur kvenna norður til Akureyrar á Goðamótið sívinsæla. Það voru því 15 stúlkur fæddar 1999, 2000 og 2001 sem fóru fyrir hönd Gróttu á mótið með fararstjóra og þjálfara liðsins, Inga Þór. Grótta tefldi fram tveimur liðum á mótinu, Gróttu 1 (B-lið) og Gróttu 2 (D-lið).

Lesa meira

Laugardaginn 6. nóvember var haldið árlegt Keflavíkurmót í knattspyrnu í Reykjaneshöllinni og þar mætast flest sterkustu lið landsins í 5. flokki kvenna. Grótta sendi í ár tvö lið á mótið og sigraði A- lið Gróttu Íslensku deildina og vann glæsilegan bikar til eignar fyrir félagið eftir jafnan úrslitaleik við Víking en Gróttustúlkur voru ósigraðar, skoruðu 12 mörk á mótinu og fengu á sig tvö mörk. B- lið Gróttu gekk einnig mjög vel og endaði í 3. sæti í sinni deild og töpuðu ekki leik á mótinu og voru nálægt að komast í úrslitaleikinn.

Lesa meira

Það voru um 11 hressar stelpur úr 5. flokki Gróttu sem mættu galvaskar á fyrsta mót vetrarins í Reykjaneshöllina að morgni 7. nóvember síðastlinn. Þær voru í 6 liða riðli sem kallaður var Meistaradeildin "hvorki meira né minna". Fyrsti leikur hjá þeim var á móti Fram og endaði sá leikur með jafntefli 1-1. Svo tókust stelpurnar á við Víking Rvik. og unnu 2-1 og það sama gerðu þær á móti FH í 3. leik. Lesa meira

Á laugardögum í vetur verða séræfingar fyrir alla iðkendur yngri flokka í fótboltanum. Æfingar verða þannig uppbyggðar að tækni og boltameðerð verða í hávegum hafðar. Ekkert strit heldur einungis verið að vinna með boltann. Leikmenn meistaraflokks munu sjá um þessar æfingar í vetur og á laugardaginn munu þeir Grétar Ali Khan og Pétur Már Harðarson sjá um æfingarnar. Lesa meira

Föstudaginn 2. október var haldin sérstök uppskeruhátíð 5. flokks kvenna þar sem Kristján Finnbogason markvörður afhenti,ásamt stjórn knattspyrnudeildar, sérstök verðlaun fyrir ástundun og framfarir og verðlaunaði allar stelpurnar í flokknum að auki. Flokkurinn tók þátt í Íslandsmótinu í sumar ásamt því að taka þátt í pæjumótinu á Siglufirði en þær hafa staðið sig vel í að byggja upp kvennaboltann hjá Gróttu. Lesa meira

Sunnudaginn 27. sept verður uppskeruhátíð yngri flokka knattspyrnudeildar Gróttu haldin í Íþróttahúsinu. Hátíðin hefst kl. 16.00. Veitt verða verðlaun og viðurkenningar í öllum flokkum. Að verðlaunaafhendingu lokinni þá verður kökuhlaðborð í hátíðarsal Gróttu. Að venju þá koma kökurnar frá iðkendunum sjálfum. Þá sér hver iðkandi um að koma með eitthvað til að setja á hlaðborðið. Lesa meira

Á laugardaginn kemur verður 21. umferð Íslandsmóts 2. deildar karla leikin. Úrslitin geta ráðist í þessari umferð, bæði á toppi og botni deildar. Grótta leikur við Víði í Garðinu og þarf eitt stig til að tryggja sæti í 1.deild að ári. Með sigri getur liðið farið langleiðina með að tryggja sér titilinn í ár en þó fer það eftir úrslitum annarra leikja í umferðinni. En allir Gróttarar, nær og fjær, eru hvattir til að koma í Garðinn og styðja strákana til sigurs. Þetta er síðasti útileikurinn og nú þarf Grótta á stuðningi að halda. Leikurinn fer fram á laugardag og hefst kl. 12 í Garðinum! Allir að mæta! Áfram Grótta! Lesa meira