Fata- og skóskiptimarkaður Gróttu

Íþróttafélagið Grótta

25.8.2010

Fata- og skómarkaður Gróttu

Til styrktar barna- og unglingastarfi handknattleiksdeildar Gróttu

Stórfelldur sparnaður fyrir foreldra!
Íþróttafatnaður og íþróttaskór eru dýrar vörur sem kosta foreldra barna og unglinga í íþróttastarfi umtalsverða peninga á ári hverju. Eins og allir þekkja vaxa krakkarnir ört upp úr fötunum og skónum.

Af því tilefni efnum við til FATA- OG SKÓSKIPTIMARKAÐAR

Lítið slitin og hrein!
Það eina sem þú þarft að gera er að safna saman öllum lítið slitnum og hreinum íþróttaskóm hvort sem þeir eru fyrir handbolta eða fótbolta og/eða íþróttafötum og koma með upp í íþróttahús í vikunni, 23. - 27. ágúst (móttaka á skrifstofu Gróttu).

Fyrir hvert par af skóm eða íþróttafötum sem er metið hæft til áframsölu fæst kr. 1.000,-inneignarseðill. Inneignarseðillinn gengur aðeins upp í kaup á öðrum fötum eða skóm, það er ekki fæst peningagreiðsla fyrir inneign.

Fata- og skóskiptimarkaðurinn á Gróttudeginum 28.ágúst
Laugardaginn 28. ágúst, á Gróttudeginum kl. 9:30-14:00 verður svo opinn fata- og skómarkaður þar sem notuð föt og skór verða seld á aðeins kr. 2500,- og inneignarseðlarnir ganga upp í kaupin. Allur ágóði rennur til styrktar barna- og unglingastarfi handknattleiksdeildar Gróttu.

Þetta er frábært tækifæri til að þess að standa saman í foreldrastarfinu, gera dúndurgóð kaup og styrkja um leið gott málefni.

Til baka, Senda grein, Prenta greinina