Gróttubikarinn: Æfingar í fullum gangi

Íþróttafélagið Grótta

26.8.2010

Einn stærsti dagskrárliður Gróttudagins er keppni meistaraflokka félagsins um Gróttubikarinn. Keppt er í karlaflokki og kvennaflokki. Í karlaflokki leikur meistaraflokkur karla í fótbolta við meistaraflokk karla í handbolta. Þegar fréttaritari Gróttasport leit út á fótboltavöll í dag voru leikmenn að æfa sig fyrir Gróttubikarinn.

Ein keppnisgreinin er "Fótboltaspil" og þar leika tveir leikmenn saman. Pétur Már Harðarson og Kjartan Ólafsson voru sveittir í dag að æfa en að sögn þeirra hafa verið stífar úrtaksæfingar í vikunni fyrir daginn. Þessari grein ætluðu fótboltastrákarnir EKKI að tapa !

Fregnir herma að handboltaliðin og fimleikastelpurnar séu einnig að æfa fyrir daginn. Það er greinilegt að heiður deildanna séu í húfi. Vonum þó að fótboltastrákarnir einbeiti sér fyrst að leiknum gegn Víkingum annað kvöld.

Hér að neðan má sjá myndir af æfingunni hjá Pétri og Kjartani.

Til baka, Senda grein, Prenta greinina