Gróttudagurinn fór fram á laugardaginn

Íþróttafélagið Grótta

31.8.2010

Á laugardaginn fór fram hinn árlegi Gróttudagur á gervigrasvellinum. Frábært veður gerði góðan dag enn betri. Fjölmörg dagskráratriði voru í boði en hæst bar keppni í Gróttubikarnum. Önnur atriði voru m.a. keppni 2003-2001 strákanna gegn KR í fótbolta, keppni 1998-2000 strákanna við Áftanes í fótbolta, keppni 5.flokks kvenna við KR í fótbolta, keppni 5.flokks karla í handbolta við KR, innbyrðis keppni 5.flokks karla og 5.flokks kvenna í handbolta, leikur 1994 og 1995 strákanna í handbolta og glæsilegt atriði meistarahópsins í hópfimleikum. Punkturinn yfir i-ið var síðan æsispennandi keppni í Gróttubikarnum.

Auk þessara viðburða var skrifað undir nýjan samning við Errea um að Grótta muni klæðast búningum frá þeim næstu fjögur árin. Við sama tilefni var ný Gróttulína kynnt, þar með talinn nýr keppnisbúningur Gróttu.

Áætla má að yfir 600 manns hafi komið á Gróttudaginn í ár. Þetta er í fyrsta skipti sem allar deildir félagsins koma saman að þessum degi og heppnaðist það mjög vel. Frábært fimleikaatriði gladdi áhorfendur og sá möguleiki að hægt er að spila handbolta á gervigrasi, er hægt að nýta sér framvegis.

Hér að neðan má sjá myndir af deginum sem Haukur Harðarson tók.

Myndir frá deginum má sjá hérna

Til baka, Senda grein, Prenta greinina